لا تلعب بالنار الإدارة
عدد المساهمات : 534 الموقع : مكة المكرمة
| موضوع: اشتاق وادري مانت راجع لو اشتاق الإثنين يناير 17, 2011 6:11 am | |
|
الحب شايب والفراق ابنـه العـاق والوصل غايه والقصايـد وسيلـه
اثر المفارق له علاقـه بالاخـلاق ويقصر طويله صدر راعي الطويله
مافيه اشرّ من الهواوي ليا ضـاق من ضيقته حتى البزر يشتكي لـه
ياللي غضبت وكانت حلولك فـراق الغيـض ولعـه والمجـادل فتيلـه
ابليـس للفتنـه وللشـر سـبّـاق يجيك في صـورة رذيـل ورذيلـه
العين مايغـدي بهـا كـل بـرّاق والاذن ماكـل الحكـي ترتخيـلـه
راعي الكلام يزّود الطاق بالطـاق يحكي بشخص وياصله ويحكي لـه
خص ٍ ليا كان الحكي بين عشّـاق ماله سوا: مالـك دخـل والفشيلـه
لو شفت وش قيمة غرامك بالاعماق ماطعت لـو لامـوك فينـي قبيلـه
ماهو تضيّق صدرك وتركز السـاق كنّي كفـرت وقاتـل ٍ لـي قتيلـه
ياللي خدودك قطنه وعودك دقـاق والوجـه ياحلـوه وياحبنـي لـه
عليـك ماظنـي بتحـتـار الاذواق الا اليـا كانـه هبيـل او هبيـلـه
صغيّر ٍ وتشيـل حمـل ٍ ماينطـاق وشلون عافـرت الحمـول الثقيلـه
وانا احسبنك طيّب وقلبـك رقـاق يامدرّس فنـون القسـاوه لجيلـه
رح والشقا على الهواجس والاوراق ياللي عقب فرقـاه شوقـه بديلـه
اشتاق وادري مانت راجع لو اشتاق مير العوض بالذكريـات الجميلـه
| |
|
اسيرة الاحزان ركن ماسي
عدد المساهمات : 227
| موضوع: رد: اشتاق وادري مانت راجع لو اشتاق الثلاثاء يناير 18, 2011 3:30 am | |
| اشتاق وادري مانت راجع لو اشتاق مير العوض بالذكريـات الجميلـه
صح السانك وسلمت يمناك اخي لاتلعب
كلمات قمه في الرووعه
دمت بحفظ الرحمن
تقبل تحياتي
| |
|
لا تلعب بالنار الإدارة
عدد المساهمات : 534 الموقع : مكة المكرمة
| موضوع: رد: اشتاق وادري مانت راجع لو اشتاق الثلاثاء يناير 18, 2011 7:25 am | |
| - اسيرة الاحزان كتب:
اشتاق وادري مانت راجع لو اشتاق مير العوض بالذكريـات الجميلـه
صح السانك وسلمت يمناك اخي لاتلعب
كلمات قمه في الرووعه
دمت بحفظ الرحمن
تقبل تحياتي
والأروع ذوقك يا الغ ـلا ............. أسعدني مرورك الع ـطر
| |
|